طالبلر عدلیه وزیرلیگی «شمالي حدوددهگی دولت تامانیدن تارتیب آلینگن یېرلر بۉییچه ایشلرنی کۉریب چیقووچی مخصوص محکمه» بلخ ولایتینینگ نهری شاهي اولسواللیگیدهگی۱۰ مینگ جریب یېرگه عاید حجت و دلیللرنی اۉرگنیب چیقیب، اوشبو یېرلرنینگ برچهسی «دولت ملکی» اېکنینی بېلگیلهگنینی معلوم قیلدی.
اوشبو وزیرلیک بوگون، شنبه کونی (۷-سنبله)، بیانات نشر قیلیب، مذکور یېرلر نهری شاهي اولسواللیگینینگ مومن آباد حدودیده جایلشگنینی و «یېرلرنی تارتیب آلیشنینگ آلدینی آلیش و تارتیب آلینگن یېرلرنی قَیتریش کمیسیونی» بو ایشنی شمالي حدود مخصوص محکمهسیگه یوبارگنینی بیلدیرگن.
طالبلر عدلیه وزیرلیگینینگ قۉشیمچه قیلیشیچه، مخصوص محکمه «یېرلردن فایدهلنووچیلر و کمیسیون تقدیم اېتگن حجت و دلیللرنی سینچیکلب اۉرگنیب، ملک حجتلرینی تېکشیریب همده تېگیشلی ادارهلردن معلومات آلگچ،۱۰ مینگ جریبنی تشکیل اېتووچی اوشبو یېرلرنینگ برچهسی دولت ملکی اېکنیگه قرار قیلگن».
وزیرلیک نینگ ایتیشیچه، اوشبو قرارگه موافق، «یېرلردن فایدهلنووچیلر مذکور یېرلرنی یېرلرنی تارتیب آلیشنینگ آلدینی آلیش و تارتیب آلینگن یېرلرنی قَیتریش کمیسیونیگه تاپشیریشلری کېرهک».
طالبلر افغانستانده حاکمیتنی قَیته اېگهلهگنیدن سۉنگ، مملکت نینگ تورلی ولایتلریده یوز مینگلب جېریب یېرلر و بیر نېچته ییریک شهرچهلرنی تېکشیرگن همده اولرنی «دولت ملکی» دېب اعلان قیلگن. اوشبو گروه قرارلریگه کۉره، مذکور یېرلر دولتگه تېگیشلی بۉلیب، طالبلر نظارتیگه اۉتکزیلیشی کېرهک.
بیراق یېرلر و شهرچهلر اېگهلری اۉزلریده ملککه اېگهلیک قیلیشنی تصدیقلاوچی عملدهگی و رسمي حجتلر بارلیگینی اَیتماقده. اولر نینگ تأکیدلشیچه، طالبلر محکمهلری بو حجتلرگه اعتبار بېرمهیپتی.
