بیرلشگن ملتلر تشکیلاتی‌نینگ انسان‌دوستلیک یاردملرینی اویغونلیک قیله‌دیگن دفتر (اوچا) نینگ ایتیشیچه، اروپا بیرلشمه‌سی 2023- ییل افغانستان دوستلیک صندوغی گه اوچ میلیون یورو یاردم بېرگن.
اوچا گه کۉره، اوشبو مالی یاردم افغانستانده‌گی میلیونلرچه محتاج کیشی گه کمک قیلیش اوچون یاردم بیرووچی نهادلرنینگ اختیاریگه قوییله‌دی.
اروپا بیرلشمه‌سی بوندن آلدین هم نېچه مرته افغانستان گه یاردم بېرگن اېدی. شونده‌ی بیرحالده، افغانستانده انسانی فاجعه جدی دیر و بو مملکت جمعیتی‌نینگ یریمیدن آرتیغی یاردملرگه محتاج.
اوچانینگ کۉپه‌یتیریشیچه، کیله‌جک ییلده افغانستان گه یاردم بېریش اوچون اوچ میلیارد دالر کېره‌ک.
مذکور دفتر 2023- ییلده افغانستان اوچون تۉرت میلیارد و آلتی میلیون دالر طلب قیلگن اېدی، بیراق بو رقم قۉلگه کېلمه‌دی. اوچانینگ ایتیشیچه، مالی قیینچلیکلر باعث می آییدن نوامبر آیی گچه، افغانستانده 10 میلیون کیشی گه آوقت یاردم بېریلمه‌دی.
