دنیانینگ بیرقطار مملکت‌لری جمله‌دن امریکا، فرانسه، آلمان، ایتالیا و سویدن مملکت‌لریده، یوزلرچه افغانستان فقراسی ناراض‌لیک نمایش‌لر اۉتکزیب، افغانستان‌ده هزاره‌لر و عیال‌لر دوچ بۉلگن وضعیت‌دن، خواطر بیلدیردیلر.
نمایش‌چیلر اخیرگی ییل‌لر ایچیده، هزاره‌لرگه قرشی اویوشتیریلگن خودکُش و پارتلش هجوم‌لرگه اشاره قیلیب، بو وضعیت حاضرهم دوام ایتماقده دیگن‌لر.
شونینگدېک، اولر هزاره‌لرگه قرشی بۉلگن هجوم‌لرنی، «ژینوساید» اۉقیب بو وضعیت‌گه نطقه قوییلیشی‌نی سوره‌دیلر.
بونگه قۉشیمچه، مذکور نمایش‌لرگه حاضر افغانستان‌ده عیال‌لر دوچ بۉلگن، وضعیت هم خواطرلی اوقیلیب، عیال‌لرگه قرشی بۉلگن چیکلاولر کۉتاریلیشی، اۉرغوله‌نگن.
ایتیش کېرهک که، اخیرگی ییل‌لر ایچیده افغانستان‌نینگ بویوک شهرلری‌گه اویوشتیریلگن هجوم‌لرگه کوپینچه هزاره‌لر و اولرگه تېگیشلی اوقیش و مذهبی مرکزلر نشان‌گه آلینگن.
طالبان افغانستان‌ده حاکمیت‌گه قیتگندن بیری، افغانستان‌ده جبهه‌ی اوروش‌لر آزه‌یگن بولسه‌ده، بیراق حاضرهم پارتلش هجوم‌لر بعضا صادر بۉلیب توره‌دی و بو هجوم‌لرگه هم کۉپراق هزاره‌لر نشان‌گه آلینگن.
