طالبان حکومتی باش وزیری نینگ سیاسی اۉرین باسری عبدالکبیر اوتکن کون سه‌شنبه، دلو آیی‌نینگ بیرینچیسی، جاپان مملکتی‌نینگ کابلده‌گی ایلچیسی بیلن اوچره‌شیب، طالبان حکومتی سۉزلشووگه ایشانچی بار دېگن.
ارگ اۉزینی ایکس صحیفه‌سیده بو خصوصده ترقه‌تگن بیاناتی‌گه اساس، طالبان باش وزیری نینگ سیاسی اۉرین باسری، جاپان ایلچیسی‌گه دنیا مملکت‌لری افغانستان‌دن بۉلگن خواطرلرینی سۉزلشوو آرقه‌لی حل اېتیش‌لرینی سۉره‌گن.
طالبان نینگ بو بیاناتی‌گه اساس، جاپان نینگ کابلده‌گی ایلچیسی تاکایوشی کورومیا، جاپان مملکتی افغانستان بیلن دنیا علاقه‌لرینی یخشی‌لنتیریش اوچون یاردم بېریش‌گه تیار دېب، معلوم قیلگن.
شونینگدېک، جاپان ایلچیسی افغانستان خلقی بیلن اقتصادی و انسان‌پرورلیک یاردملری دوام اېتیشیدن هم ایشانچ بېرگن.
ایتیش کېره‌ک که طالبان حکومتی، دوحه شهریده افغانستان خصوصیده بیرلشکن ملتلر تشکیلاتی تامانیدن یۉلگه قوییلگن ییغین‌گه اشتراک اېتمه‌دی.
دیمک، طالبان افغانستان حاکمیتیگه قیتگنیدن بۉیان حاضرگه قدر، دنیا بۉیلب مملکت‌لر افغانستان خصوصیده کوپلب خواطرلرنی بیان قیلگن.
