دنیا ییریک کوچلری اینیقسه ایکینچی جهان اوروشی‌نینگ غالب‌لری آره‌سیده بولینگن حاضرگی دنیا، جهان ایکینچی اوروشیدن کېین ساووق اوروش آستیده بۉلسه هم بیراق، حربی و فیزیکی اوروش‌لردن انچه اوزاققه بۉلیب کېلماقده اېدی.
لیکن حاضر ایکی ییل‌دن بۉیان دنیا نینگ تۉرلی بولیم‌لریده جدی توقنه‌شوولر یوز بیریب، دنیا اوچون ینگی توسیق‌لیک یا-ده بحران کانون‌لری یره‌تیلگن و ایکی ییل‌دن بۉیان دوام اېتیب کیله‌یاتکن اوکراین اوروشی انه‌شوو بحران‌لردن اونملی بیرتهسی دیر که اونگه غرب و شرق نینگ توقنه‌شووی‌گه گواه بۉلیب کېلماقده‌میز.
اوکراین اوروشی دوام ایتر ایکن، روسیه جمهور باشلیغی ولادیمیر پوتین ینگی بیانات‌لریگه، هسته‌ای قورالدن فایده‌لنیش نی تیلگه آلیب، بو توغریده روسیه رقیب‌لری اینیقسه غربی مملکتلرنی آگاه‌لنتیرگن.
دیمک، بو یازووده پوتین‌نینگ بو سۉزلری قنچه جدی اېکن‌لیگی و اوکراین اوروشیگه عکس اېتیلگن شرق و غرب توقنه‌شووی قیسی تامان کیتماقده‌لیگی‌گه نظر تشله‌ماقچین‌من.
پوتین تامانیدن هسته‌ای قورال ایشله‌تیلیش خوفی
روسیه جمهور باشلیغی ولادیمیر پوتین روسیه و ریانووستی کانالی اوچون بولگن، روسیه‌لیک تانیقلی ژورنالیست دیمیتری کیسلف بیلن اوتکزگن ینگی صحبت‌لریده، هسته‌ای قورالدن فایده‌لنیشی ممکن‌لیگیدن آگاه‌لنتیردی.
روسیه جمهور باشلیغی مملکتی نینگ موجودیتی خطرگه توشگن تقدیرده هسته‌ای قورالیدن فایده‌لنیشی ممکن دېب، اورغوله‌شیچه بو دیگنی کیله‌جکده هسته‌ای اوروش یۉلگه ایمس دیر لیکن روسیه موجودیتی خوف آستیده توشگن تقدیرده بو ایش‌گه قول اوریش گه مجبورلیگی نی معلوم قیلگن.
پوتین، روسیه نینگ هسته‌ای قورال‌لرینی باشقه مملکت‌لر قورال‌لریگه نسبتن کوچلی‌راق اوقیب، امریکا تامانیدن هسته‌ای سیناو اوتکزیلگن تقدیرده روسیه هم خوددی شو اېش‌گه قول اوریشیدن آگاه‌لنتیردی.
دیمک، روسیه جمهور باشلیغی شوندی بیرحالده بو سۉزلرنی تیلگه آلماقده دیر که روسیه نینگ میلادی ۲۰۲۰ – ییل ترقه‌تیلگن هسته‌ای قورالدن ایش آلینیشی شرایطی توغریسیده‌گی پالیسی‌سیگه اساس، روسیه جمهور باشلیغی بو مملکت‌ده هسته‌ای قورال‌نی ایش‌گه توشیریش بۉییچه قرارنی آله‌دیگن یالغیز کیشی بۉلیب، بو قورال روسیه‌گه قرشی هسته‌ای قورال یا-ده توپلم اولدیریش باشقه قورال ایشله‌تیلگن تقدیر و شونینگدېک روسیه نینگ موجودیتی خطرگه توشگن حالده ایشله‌تیلیشی ممکن.
دیمک، روسیه هسته‌ای قورال گه قول تاپگن بیرینچی مملکت بۉلیب حاضر بو خصوصده دنیا نینگ اینگ ییریک کوچلریدن بیری دیر و معلومات‌لرگه اساس، روسیه حاضر ۵۵۸۰ هسته‌ای کلاهک‌که ایگه و بولر جمله‌سیدن ۴۳۸۰ ته‌سیدن کوپراغی فعال دیر.
پوتین بو سۉزلرنی قنده‌ی شرایط‌گه بیان قیلدی؟
پوتین دنیا نی اینیقسه اۉزینی غربی رقیب‌لرینی اوکراین اوروشی دوام اېتگن حالده، هسته‌ای اوروش‌دن آگاه‌لنتیرگن بولسه‌ده بیراق، حاضر بو اوروش صادر بولیشی انچه گمان‌دن تشقری کورینه‌دی، چونکه دنیا هم بونگه یۉل قوییشی ممکن اېمس و همده روسیه خلقی نینگ عاموی فکری هم بونده‌ی بیر ایش‌گه قول اوریش‌گه رخصت بیرمه‌یدی.
دیمک، حاضر پوتین بو سۉزلرنی اۉزینی رقیب‌لریگه قرشی ایتیشیدن نیچه سببی بولیشی ممکن.
سبب‌لردن بیری، روسیه رقیب‌لریگه اۉزینی حربی کوچی ینه بیربار بیلدیردی و بو بیلن روسیه‌گه قرشی هر قنده‌ی بیر حرکت جواب‌سیز قالمسلیگینی معلوم قیلدی. چونکه حاضر روسیه‌نینگ اینگ بویوک دشمنی بۉلمیش غربی مملکت‌لردن شکل‌لنگن ناتو خوفسیزلیک تشکیلاتی روسیه تهدیدلرینی نظرگه توتیب، اۉزینی ینگی ایکی اعضاسی (سویدن و فنلند) بیلن بیرگه‌لیکده اروپاده تاریخ ایچیده مثالی کم کوریلگن حربی مشق‌لرنی یۉلگه قویماقده و بو حربی مشق‌ده ناتو تشکیلاتی نینگ اعضالری کوچلریدن بۉلمیش ۹۰ مینگ حربی اشتراک اېته‌دی و اونگه تورلی حربی جهازلر و امکانیت‌لر کورسه‌تیلیشی کوتیله‌دی.
انه شوو سبب پوتین هم اۉزینی کوچینی ایسله‌تیش مقصد هسته‌ای قورال اوروشینی مطرح قیلگنی ممکن، چونکه پوتین سۉزلرینی بیر بولیمیده، امریکا قوشمه ایالتلری تامانیدن هسته‌ای سیناو یاده آزمایش بجریلگن تقدیرده، روسیه هم خوددی شوندی بیر ایش‌گه قول اوریشینی معلوم قیلدی.
بونگه قۉشیمچه، اوکراین اوروشی روسیه ضرری گه یکونلنگن تقدیرده هم روسیه نینگ هیچ کیم باسیب آلیش‌گه قادر اېمس چونکه کوچلی هسته‌ای قورال‌گه ایگه روسیه دېب، بیلدیرماقچن بۉلگنی ممکن.
اوکراین اوروشی نینگ دوامی سیزیلیشی‌گه سبب‌لر
دیمک، روسیه حربی کوچلری و غربی مملکت‌لر تامانیدن قولب-قوتلنیب کیله‌یاتکن اوکراین کوچلری آره‌سیده‌گی اوروشلر ایکی ییل‌دن بۉیان دنیا نینگ ییریک بحرانی اورله‌راق دوام اېتیب کیلماقده و بو خصوصده بۉلگن سیاسی مذاکره‌لر اونچه‌لیک اونملی اېمس ایدی و بولسه هم نتیجه بیرمه‌گن.
ینگی‌لیکده ترکیه جمهور باشلیغی رجب طیب اردوغان، اوکراین اوروشی نینگ منطق‌لی یۉلی مذاکره دېب، ترکیه بو خصوصده بۉلگن سۉزلشوولرگه میزبان‌لیک قیلیش‌گه تیارلیگی نی معلوم قیلدی.
لیکن، روسیه جمهور باشلیغی ولادیمیر پوتین‌نینگ سۉزلریگه قره‌گنده روسیه رهبری یقین‌لرده مذاکره‌گه تَن بیریش‌گه تیار اېمس و اوروش دوامینی خواهله‌یدی. چونکه پوتین صحبت‌لریده مذاکره اوچون خاص شرایط بار و بو شرایط‌لر اېسه روسیه‌گه ایشانچلی بیر تضمین بیریلیشی دېب تیلگه آلدی، همده بو خصوصده هیچ کیم‌گه ایشانمسلیگینی معلوم قیلدی. چونکه پوتین ایشانچی‌گه اوکراین اوروشی خصوصیده هر قنده‌ی سۉزلشوو یاده آتیش-کیسین اوکراین حربی کوچلرینی تجدید قوا قیلیشی اوچون زمینه یره‌ته‌دی.
روسیه‌ده بار حاکم اویلاودن اوتیب، بو مملکت‌نینگ غربی ییریک رقیب‌لریگه هم نظر تشله‌گنده وو تامان‌گه هم اوکراین اوروشیگه نقطه قوییلیشی اوچون هیچ قنده‌ی بیر تیارگرلیک کورینمه‌یدی.
بونی، امریکا قۉشمه ایالتلری همده اروپا اتفاقی نینگ اوکراین حربی کوچلری قولب-قوتلنیشی اوچون اجره‌تگن ینگی یاردملریدن کیلیب چیقیب ایتیش ممکن چونکه اۉتگن بیر هفته ایچیده امریکا اوکراین‌گه ۳۰۰ میلیون دالر یاردم بیریلیشی همده اروپا اتفاقی اېسه ۵ میلیارد یورو یاردم بو مملکت‌گه بیریش‌گه قرار قیلدیلر. بو دیگنی غربی مملکت‌لر هم اوکراین‌نی قولب-قوتلش‌گه دوام بېره‌دی و بو اوروش نی دوامیگه سبب بولیشی ممکن.
بونگه قوشیمچه، ینگی‌لیکده فرانسه جمهور باشلیغی امانوئل مکرون هم اروپا مملکت‌لری اوکراین اوروشی عملی حالده اره‌لشگنینی بیر مراتبه تیلگه آلگن اېدی. بونده‌ی سۉزلر غرب مملکت‌لریده هم اوروشی دوامی اوچون فکرلر جدی‌لیگیدن دلالت قیله‌دی.
اوکراین اوروشی دوامیگه سبب ینه بیرته بو غرب و شرق آره‌سیده‌گی کیلیشماوچیلیک، جدی رقابت و بیربیراولریگه قرشی بی‌باورلیک دیر.
پوتین اۉزینی صحبت‌لریده، اوکراین اوروشی اوچون مذاکره قیلیش‌گه هیچ کیم‌گه ایشانمسلیگینی معلوم قیلدی و بونگه قوشیمچه امریکا نینگ اطلاعات تشکیلاتلری تامانیدن ینگی‌لیکده ترقه‌تیلگن کوزه‌تیش گزارشیده هم شرق و غرب آره‌سیده بۉلگن کیلیشماوچیلیک بیلدیریلدی چونکه بو گزارشده امریکا روسیه و چین نینگ جدی تهدید اوقیگن، انه شو تهدیدلر سبب امریکا اوکراین دیک جغرافیه‌لرده روسیه‌گه قرشی اوروش‌لرینی دوام ایتیریشی ممکن.
بونگه علاوه، امریکا نینگ مذکور کوزه‌تیش گزارشیده، اوروشلر دنیاده نه‌تنها کمه‌ییشی بلکیم کوپه‌ییشی و دنیا نینگ باشقه چیککه‌لریده هم صادر بۉلیشی کوزه‌تیلگن.
بو گپ‌لردن کیلیب چیقیب، دنیاده‌گی اوکراین اوروشی کبی توسقین‌لیکلر دوامی اېتیشی هلی بیری ممکن‌لیگینی جرات بیلن تیلگه آلیش ممکن.
سۉنگی سۉز اوله‌راق ایتیش ممکن که روسیه حکومتی و غربی مملکت‌لر جمله‌دن امریکا حکومتی هم حاضر اۉزلرینی کوپلب اهالیسینی اوروش دوامی و اونگه برحق ایکن‌لری تامان تارتگن و دییرلی بو اوروش حاضر عامه افکار تامانیدن قولب-قوتلنه‌دی. بو حمایه اوزیلیب، ملتلر حکومت‌لری اوستیده اوروش توخته‌تیلیشی بۉییچه باسیم کیلتیرگن تقدیرده اوکراین اوروشیگه نقطه قوییلیشی اوچون امید بیلدیریش ممکن.
