بیرلشکن ملتلر تشکیلاتی ینگی‌لیکده بیر گزارش ترقه‌تیب، بشریت‌نی میلادی ۲۰۲۲ – ییل جریانیده، آذیق_آوقت خصوصیده دقت‌سیزلیگینی بیلدیرگن.
اۉتگن چهارشنبه کون، ۸ – حمل ترقه‌تیلگن اوشبو گزارش‌گه اساس، مذکور ییل جریانیده، ایشلب چیقاریلگن آذیق_آوقتلر جمله‌سیدن ۱۹ فایزی دنیا جمعیتی تامانیدن اسراف اېتیلگن.
بیرلشکن ملتلر تشکیلاتی نینگ یشش محیط دستوری تامانیدن تیارلنگن بو گزارش همده، اوشبو مقدار آذیق_آوقت ۷۸۳ میلیون انسان آچلیککه دوچ بۉلگن بیر حالده اسراق اېتیلگنی معلوم قیلینگن.
بو گزارش‌گه کېریتیلگن معلومات‌گه اساس، ییل بۉیلب هر بیر انسان ۷۹ کیلوگرام آذیق_آوقت‌نی اسراف قیله‌دی.
شونینگدېک بو گزارش، اسراف اېتیلگن آذیق_آوقت جمله‌سیدن ۶۰ فایزی عایله‌لر، ۲۸ فایزی رستورانت‌لر و قالگن ۱۲ فایزی اېسه ساتووچیلر تامانیدن اسراف اېتیلیشینی معلوم قیله‌دی.
ایتیش کېره‌ک که حاضر دنیا نینگ بیرقنچه بۉلیملری، اقلیم اوزگریشی کبی بیرقنچه سبب‌لر باعث، آذیق_آوقت کمچیلیگیگه یوزمه یوز دیر.
