ایران و اسرائیل آره‌سیده‌گی توقنشوولر دوامی‌ده، امریکا، بریتانیا، فرانسه، ناروی و روسیه یقین شرق‌ده توقنشوولر کوپه‌یگنی‌دن خواطر بیلدیریب، یشاوچیلری و دیپلمات‌لری نی اوشبو ایکی مملکت‌ده‌گی خوفسیزلیک وضعیت خصوصیده آگاه‌لنتیرگن.
اۉتگن جمعه کونی، امریکا جمهور باشلیغی جو بایدن خبری بیر ییغین‌ده ایتیشیچه، اینگ یقین‌ده ایران تامانیدن اسرائیل گه هجوم بۉلیشی ممکن.
شونده‌ی بیرحالده، بایدن ایران دن بو ایش گه قول اورمسلیگی نی سۉره‌گن.
شونینگدېک امریکا قۉشمه ایالت‌لری خۉفسیزلیک کېنگش‌نینگ سۉزلاوچیسی جان کربی، اۉتگن کونی مملکت وضعیت نی دقت بیلن کوزه‌تیب بارماقده‌لیگینی معلوم قیلگن.
جان کربی نینگ ایتیشیچه، امریکا قۉشمه ایالت‌لری اسرائیل‌لیک‌لر نی حمایه قیلیش اوچون کېره‌ک بۉلگن برچه نرسه گه ایگه بۉلیشی گه ایشانچ حاصل قیلماقچین.
بونگه قوشیمچه، امریکا نینگ ایکی ییریک رسمی‌سی گه کۉره، مذکور مملکت اسرائیل گه ایران نینگ احتمالی هجومی اوچون تیارگرلیک آلیش خصوصیده کوپینچه کوچلری نینگ یقین شرق گه انتقال بیرماقچین.
ایتیش کېره‌ک که، ایران رهبری علی خامنه‌ای هییت نمازی خطبه‌سیده، اسرائیل دمشق‌ده ایران قونسولگرلیگی گه هجوم قیلیش بیلن خطا قیلگن و جزا کوره‌دی دېب، اورغوله‌شگن اېدی.
