بیر قطار پاکستان‌لیک یېتکرمه‌لر نینگ گزارشی گه کۉره، اوشبو مملکت نینگ پنجاب، خیبرپختونخوا و بلوچستان ایالت‌لریده قتیق یاغینگرچیلیک و چقماق نتیجه‌سیده، کمیده ۲۴ کیشی هلاک بۉلگن.
گزارش‌لر اساسیده، ۱۷ کیشی قتیق یامغیر و باشقه یېتی کیشی اېسه چقماق طفیلی جان بیرگن.
شونده‌ی بیرحالده، پاکستان طبیعی حادثه‌لرنی باشقریش اداره‌سی، یاغینگرچیلیک و چقماق طفیلی پنجاب‌‌ده ۱۷ کیشی، بلوچستان ده بیش کیشی و خیبرپختونخوا ده باشقه ایکّی کیشی نینگ هلاک بولگنی نی اعلام قیلگن.
مذکور اداره گه کۉره، قتیق یاغینگرچیلیک نتیجه‌سیده، سکیز یشش اوی ویران بۉلیب و بیر قطار یۉل‌لر و سرک‌لر باغلنگن دیر.
پاکستان طبیعی حادثه‌لرنی باشقریش اداره‌سی سوزلاوچیسی نینگ ایتیشیچه، یاردم بیرووچی تیم‌لر محل گه باریب و زیان کۉرگن کیشی‌لر نینگ کسل‌خانه گه انتقال بیریش خصوصیده سعی‌وحرکت قیلماقده.
