ایران بوگون اونلرچه اوچووچی‌سیز اوچاق بېلن اسراییل‌گه هجوم قیلگنی‌دن کېین، بو هجوم کوپینچه مناسبتلر بېلن روپه‌ره بۉلگن.
ایران بوگون اسرائیل گه قرشی هجومی‌دن مقصد، اسرائیل آٰرقه‌لی دمشق‌ده ایران قونسولگرلیگی گه اۉیوشتیریلگن هجوم عنوان قیلگن.
شونده‌ی بیرحالده، اسرائیل ایران نینگ اوشبو هجومی گه قرشی بیرلشگن ملتلر تشکیلاتی خوفسیزلیک کېنگشی باشلیغی گه بیر مکتوب آرقه‌لی شاشلینچ یېغین اۉتکزیلیشی سوره‌گن.
مذکور مکتوب‌ده ایران دنیا ده تینچ‌لیک و امنیت اوچون بیر تهدید عنوان بۉلگن.
بو آره‌ده، بیرلشگن ملتلر تشکیلاتی و بیر قطار منطقه و دنیا مملکت‌لری، ایران نینگ اسرائیل گه پهپادی و راکته هجوم‌لری نی قاره‌لب و اونینگ منطقه‌ده حربی زوره‌وانلیکلر کوچه‌یشی، ثبات‌سیزلیک و توقنشوولر باشلنیشی دېب بیان قیلگنلر.
بیرلشگن ملتلر تشکیلاتی باش کاتبی آنتونیو گوترش، منطقه‌ده توقنشوولر کینگه‌یشی خوفی خصوصیده آگاه‌لنتیریب و تیزلیک بیلن توقنشوولر توخته‌تیلیشی نی ایسته‌گن.
شونده‌ی بیرحالده، امریکا، بریتانیا، فرانسه و آلمان اسرائیل دن حمایت قیلیشی نی اعلام قیلیب، اروپا و سعودی عربستان هم منطقه‌ده اوروش کینگه‌یشی سلبی عاقبت‌لری‌دن آگاه‌لنتریب و شونینگدېک مصر اوروش تامان‌لری بېلن توقنشوولر توخته‌تیلیشی اوچون صحبت قیلماقده.
عین حالده، اسلام امیرلیگی ایران نینگ اسرائیل گه قرشی هجوم‌لری نی مشروع دېب، دنیا و منطقه مملکت‌لریدن بحران کوچه‌یمسلیگی و اسرائیل جنایت‌لری تۉخته‌تیلیشی اوچون اسرائیل گه قرشی تۉخته‌ش نی ایسته‌گن.
اسلام امیرلیگی تشقی ایشلر وزیرلیگی بیر بیانیه ترقه‌تیش بېلن ایتیشیچه، اسرائیل اۉتگن ییل میزان آیی‌دن حاضرگچه غزه ده نسل اۉلدیریش گه دوام بیریب، منطقه‌ده ناتینچ‌لیک کینگه‌یشی گه سعی‌وحرکت قیلگن.
بو آره‌ده پاکستان تشقی ایشلر وزیرلیگی آرقه‌لی ترقه‌تیلگن بیر بیانیه‌ده کیلیشیچه، بیرلشگن ملتلر تشکیلاتی خوفسیزلیک کېنگشی، تینچ‌لیک و خلق‌ارا امنیت تامین‌لنیشی‌ده اۉز مسئولیتلری نی بجره آلمه‌گن.
شونینگدېک پاکستان تشقی ایشلر وزیرلیگی تامان‌لردن توقنشوولر نینگ یکونلنتیریشلری نی سۉره‌گن.
عین حالده، ایران اردوعمومی باشلیغی بوگون بیر بیانیه آرقه‌لی، عملیات نینگ یکونلنگنی و اونینگ دوام بیریش گه نیتی بۉلمه‌گنی نی اېتگن.
ییتکرمه‌لرده ترقه‌تیلگن گزارش‌لر اساسیده، بوگون ایران نینگ اسرائیل گه قرشی هجوم‌لری باشلنگنی حقیده بیرلشگن ملتلر تشکیلاتی نینگ خوفسیزلیک کېنگشی آرقه‌لی بیر یېغین اۉتکزیلیشی کوتیله‌دی؛ بیراق حاضرگچه بو یېغین نینگ یولگه قوییلیشی خصوصیده معلومات ترقه‌تیلمه‌گن.
