پاکستان باش وزیری نینگ اۉرین باسری و تشقی ایشلر وزیری محمد اسحاقدار، کابل‌ده‌گی بیر کون‌لیک سفری‌دن کیین طالبان و ایران اسلامی جمهوریتی تشقی ایشلر وزیرلری بیلن تلیفونی صحبت قیلگن.
طالبان تشقی ایشلر وزیرلیگی نینگ اعلام قیلیشیچه، بو وزیرلیک سرپرستی امیرخان متقی، پاکستان تشقی ایشلر وزیری بیلن آره‌لریده‌گی تعهدلر عملگه آشیریلیشی همده افغانستان‌لیک مهاجرلر قیینچیلیکلری حل اېتیلیشی تۉغریسیده، تلیفونی صحبت قیلگن.
عینی حالده، ایران اسلامی جمهوریتی نینگ تشقی ایشلر وزیرلیگی هم بیر بیانات نشر قیلیب، بو مملکت تشقی ایشلر وزیری سیدعباس عراقچی، پاکستان تشقی ایشلر وزیری بیلن تلیفونی صحبت قیلگنیدن خبر بېردی.
ایران اسلامی جمهوریتی نینگ تشقی ایشلر وزیرلیگی‌گه کۉره، اوشبو ملاقاتده افغانستان‌گه تېگیشلی مساله‌لر خصوصیده فکر المشتیریلگن.
ایتیش کېرهک که پاکستان تشقی ایشلر وزیری، ایکی کون ایلگری کابل کېلیب، طالبان یوقاری مرتبه‌لی رسمی‌لری بیلن اوچره‌شگن اېدی.
