بیرلشکن ملتلر تشکیلاتی نینگ قراری اساسیده، بو تشکیلات نینگ افغانستان خصوصیده‌گی دوحه ییغینی نوبتدهگی دوری اۉتکزیلیشی اوچون تیارگرلیکلر آلینماقده دیر.
بو قرار اساسیده، مذکور جریان ایش گروهی نینگ ییغیلیشی بوگون دوشنبه ۹ – سرطان باشلنه‌دی.
شونینگدېک بو جریان چارچوبه‌سیده، اېرته سه شنبه کونی هم بیر ییغیلیش اۉتکزیلیشی قرار قیلینگن.
طالبان دوحه جریانی ایش گروهی ییغیلیشی‌ده اشتراک اېتیش مقصدیده، ۷ کیشی‌لیک بیر هیات یوبارگن.
ایتیش کېره‌ک که دوحه ییغینی طالبان حاکمیت‌گه قیتگنیدن بیری اۉتکزیلیب کېلماقده دیر و بو ییغین‌ده بیرلشکن ملتلر تشکیلاتی طالبان‌نی چقیریب، طلب‌لریگه اعتبار قره‌تیشی تنقیدلرگه هم سبب بۉلگن.
