بیرلشکن ملتلر تشکیلاتی نینگ ایکینچیلیک و آزیق-آوقت ادارهسی، یقین‌ده نشر قیلگن بیاناتیده، ینه بیربار افغانستان‌ده قورغاقچیلیک یامان عاقبت‌لریدن آگاه‌لنتیرگن.
بو تشکیلات سمنگان ولایت‌نی قورغاقچیلیکلردن جدی زیان کۉره‌یاتکن ولایتلردن بیری اعلام قیلیب، مذکور وضعیت اهالی احوالی اینقسه قیشلاق‌لر یشاوچیلری حیاتینی جدی تهدید بیلن یوز یوز قیلگنینی بیلدیرگن.
ایکینچیلیک و آزیق-آوقت تشکیلاتی، بو حقده سمنگان‌لیک رحمت الله ناملی بیر دهقان وضعیت‌نی حکایه قیلیب، قورغاقچیلیک رحمت الله ایکین‌لرینی جدی زیان‌لنتیرگنینی معلوم قیلدی.
مذکور تشکیلات بو وضعیت‌ده افغانستان اهالیسینی قوللب-قوتلش اوچون کۉپراق یاردم و منبع‌لرگه محتاج‌لیگینی هم اعلام قیلدی.
عینی حالده خلق‌ارا آزیق-آوقت دستوری هم بیر گزارش نشر قیلیب، بو ییل یاز موسومی‌ده افغانستان جمعیتی جمله‌سیدن ۱۰ میلیون‌گه یقین کیشی انسان‌پرورلیک یاردم‌لرگه محتاج‌لیگینی معلوم قیلدی.
بو تشکیلات بودجه آزلیگی سبب مذکور محتاج شخص‌لردن یالغیز بیر میلیون‌گه یاردم بېریش‌گه قادر اېکنینی تاکیدلگن.
