بوکون : شنبه 8 سنبله 1404

Kabul
+10...+17° C

بوکون : شنبه 8 سنبله 1404

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

شبرغان‌ اهالیسی بو شهرده ییترلیچه دَم آلیش پارکلری یۉق‌لیگیدن شکایت قیله‌دی

شبرغان اۉن مینگ‌لب جمعیتی بیلن تورکستان‌ نینگ گوجوم شهرلری‌دن بیری دیر.

افغانستان کۉپلب ولایتلری کبی بو شهرده هم امکانیت‌سیزلیکلر سیزیله‌دی. ییترلیچه دَم آلیش مکان‌لر یۉق‌لیگی، شبرغان‌لیکلرنینگ اساسی قیینچیلیکلریدن بیری دیر.

شبرغان شهری نینگ اۉرته قسمی‌ده جایله‌شگن چمن، ییللر دیر که شبرغان‌لیکلرنینگ اساسی دَم آلیش مکانی‌ده اَیله‌نگن.

جوزجان یشاوچیسی احسان الله بو حقده ایتیشیچه ” بو ییرده بازارچه کبی ایریم امکانیت‌لر یره‌تیلسین تا کېلگن اهالی خرسندچیلیک‌نی حس قیلیب کېتسین‌لر.”

فوتبال و باشقه سپورتلر میدانی بۉلگنی اوچون، هر کونی اۉنلرچه کیشی بو ییرده دَم آلیش مقصدیده کېله‌دی. سۉنگی ییللرده قوریلگن بو میدان اطرافیده‌گی «انقره-امیرعلیشیرنوایی» بویوک مسجدی، شبرغان شهری اوچون ینگی بیر گوزه‌للیک یره‌تگن.

شبرغان‌لیکلر بیراق بو شهر دَم آلیش مکان‌لریگه اونچه‌لیک اعتبار قره‌تیلمس‌لیگیدن شکایت قیلیب، شو اعتبارسیزلیکلر باعث شبرغان‌لیکلر اوچون آز دَم آلیش مکان‌لردن بۉلمیش بو چمن یشیللیگی یۉق اېتیله‌یاتکنیدن خواطرده.

جوزجان ینه بیر اهالیسی محمدآصف نوری شوندی دېدی “باشقه ولایتلر و تشقری‌لرگه قره‌گنده بو پارک‌ده کمچیلیک جده کۉپ، اوت‌لر بعضی جای‌لرده یۉق اېتیلگن و بعضی جای‌لر هم چتل بۉلگن، باشقه امکانیت‌لری هم بوزیلیب یاتکن. شولرنی توزاتیش‌گه اعتبار قره‌تیلیشینی طلب قیله‌من.”

شبرغان یشاوچیلری بونچه دَم آلیش مکان‌لرنی ییترلی بیلمه ی کۉپراق دَم آلیش مکان‌لری همده شبرغان یخشی نماسی اوچون کۉپراق  توجه قره‌تیلیشینی طلب قیله‌دیلر.

نورالله مرادی بو حقده ایتیشیچه “دولت‌دن طلب قیله‌میز، بو چمن بیراز کیچیک دیر، سپورتچیلر اوچون کتته‌راق میدان توزاتسین، شونینگدېگ مردم دَم آلیشی اوچون پارک‌لر توزاتیلسه.”

ایتیش کېره‌ک که شبرغان افغانستان‌ده رواجلنیشی اوچون دولت تامانیدن ییترلیچه دقت قره‌تیلمه‌گن شهرلردن بیری دیر. بیراق اخیرگی ییللر ایچیده شخصی سرمایه یاتقیزیش‌لر بیلن بو شهر انچه رواجلنگن

 

 

شریک قیلینگ

Related Posts

Add New Playlist