بریتانیا اېلچی خانه‌سی افغانستان اوچون بیانات بېریب، افغانستانلیک ژورنالست‌لری بیلن بیرگه توریشینی و اولرنینگ سۉز اېرکین‌لیگی همده خوفسیزلیگینی قۉلب-قووتلشینی معلوم قیلدی.
اېلچی خانه یکشنبه ۱۱-عقرب، “ژورنالست‌لرگه قرشی جنایتلر اوچون جزاسیزلیککه برهم بېریش خلق‌ارا کونی” مناسبتی بیلن، هر بیر ژورنالست حقیقتنی قۉرقووسیز افاده اېته‌آلیشی کېره‌کلیگینی تٲکیدله‌دی.
بریتانیا اېلچی خانه‌سی قۉشیمچه قیلیب ایتدی که: “یاروغ کېله‌جک فقط انسان حقلری حرمت قیلینیب، و حرمت کفالت‌لنگنده برپا اېتیله‌دی”.
بو بیاناتده افغانستانلیک ژورنالست‌لری هنوزگچه طالبان تامانیدن ایش جریانیده جدی تهدید و چېکلالرگه دوچ کېله‌یاتگن بیر پیتده اعلان قیلیندی.
شو بیلن بیرگه، افغانستان عاموی اخبارات واسطه‌لرینی، قۉلب-قووتلش تشکیلاتی “امسو” یقینده اعلان قیلگن حساباتیده ایتیشیچه، ۹۲ فایز عیال ژورنالست‌لر اۉزگزارشلریده اۉزگریش کیریتش‌گه یاکه سانسور قۉللشگه مجبور بۉلگنلر.
حساباتگه کۉره، اۉتگن ییلی افغانستانلیک ژورنالست‌لری‌نینگ ۸۰ فایزی هېچ قنده‌ی یاردم آلمگن و اولرنینگ یرمی کېلگوسی ییلده ایشنی دوام اېتتیریش اومیدینی یۉقاتگن.
