پاکستان تشقی ایشلر وزیرلیگینینگ سۉزچیسی طاهرحسین اندرابی، پاکستان تامانیگه افغانستاندن «تروریستلر» کیرمسلیگی بۉییچه طالبان تامانیدن قطعي کفالتلر بېریلمهگونچه، ایکّی دولت اۉرتهسیدهگی چېگره اۉتیش یۉللری آچیلمهیدی دېگن.
او بوگون (جمعه، ۱۴ قوس) بۉلیب اۉتگن مطبوعات انجمنیده چېگره اۉتیش یۉللری تورخم و چمن فقط انسانپرورلیک یاردملرینی اۉتکزیش اوچون آچیلگنینی بیلدیرگن.
اونینگ ایتیشیچه، تجارت و ترانزیت اوچون اۉتیش یۉللری یاپیق بۉلهدی، چونکه طالبلر تامانی «افغانستان توپراغیدن پاکستانگه قرشی تروریزم و تروریستلردن فایدهلنیش»نی تۉختهتمهگن.
اندرابینینگ قۉشیمچه قیلیشچه: «چېگرهنینگ یاپیلیشی خوفسیزلیک نقطهی نظریدن کېنگراق توشونیلیشی کېرهک.»
طالبلر سۉزچیسی ذبیحالله مجاهد اېسه تیناوون بیاناتیده، پاکستان افغانستان بیلن چېگرهنی ناقانوني روشده سیاسي و اقتصادي باسیم واسطهسی صفتیده یاپگن و بو ایکّی دولت اهالیسی اوچون جدّي ضرر کېلتیرگن دېدی.
او شونینگدېک، افغانستان اۉز احتیاجلرینی باشقه دولتلردن قاندیرهیاتگنی سببلی، طالبلر چېگره اۉتیش یۉللرینی فقط پاکستان حکومتی تامانیدن کوچلی کفالت بېریلگنیدن کېینگینه آچیشگه قرار قیلگن دېب قۉشیمچه قیلدی.
مجاهدنینگ قۉشیمچه قیلیشیچه، پاکستان کېلهجکده بو یۉللرنی سیاسي باسیم، ناقانوني فایدهلنیش یاکه اهالیگه ناقولهیلیک یرهتیش اوچون یاپمسلیگیگه کفالت بېریشی کېرهک.
پاکستان تخمیناً۵۰ کون آلدین طالبلر بیلن تۉقنشوولر سببلی افغانستان بیلن چېگره اۉتیش یۉللرینی یاپگن اېدی. ایکّی تامان اۉرتهسیدهگی ترنگلیکنی یومشهتیش و چېگره آچیلیشیگه عاید مذاکرهلر اېسه حاضرگچه موفقیتسیز یکونلنگن.
پاکستان تشقی ایشلر وزیرلیگی سۉزچیسی جمعه کونی ایتیشیچه، طالبلر رژیمی همکارلیک قیلمسلیگی سببلی، اۉتگن آی یوقاری درجهلی تورکيه هیایتینینگ اسلام آبادگه کېلیشیده کېچیکیش بۉلیشی ممکن بۉلگن.
تورکيه و قطر طالبلر و پاکستان اۉرتهسیدهگی مذاکرهلرگه مېزبانلیک قیلگن.
سۉنگّی خبرلرگه کۉره، سعوديه عربستانی هم ریاض ده طالبلر و پاکستان اۉرتهسیدهگی مذاکرهلرگه مېزبانلیک قیلگن و ایکّی تامان دوام اېتهیاتگن اۉت آچمسلیککه راضیلیک
