طالبلرنینگ پنجشیر ولایتی کان و نفت ریاستینینگ خبر بېریشیچه، اوشبو ولایتده «گرین گرنت» قیمتبها تاش کانی تاپیلگن و تثبیت اېتیلگن.
ریاست معلوماتیگه کۉره، کان عنابه اولسواللیگی آبدره منطقهسیده جایلشگن.
پنجشیر کان و نفت ریاستی باشلیغی محمد قاسیم امیرینینگ ایتیشیچه، بو کاننی سید رحیم اسملی شخصگه قزیب آلیش جوازی بېریلگن.
طالبان اۉتگن آی پنجشیرده بیروج کانینی قزیب آلیشنی باشلشنی اعلان قیلگن اېدی.
حاضرده اوشبو گروه پنجشیرده زمورد، یاقوت و بیروج کانلرینی قزیب آلماقده.
شونینگدېک، یقینده پنجشیر تېمیر کانی هم قزیب آلیش اوچون داوطلبلیککه قۉییلگن.
طالبان بوتون مملکت بۉیلب افغانستاننینگ کانلری و طبيعي بایلیکلرینی قزیب آلیشنی کوچهیتیرگن. اولر اۉز حکومتینی کانلر و طبيعي منبعلردن توشهدیگن درآمد آرقهلی مالیهلشتیریشگه حرکت قیلماقده.
