جهان آزیق-آوقت دستوری معلوماتلریگه کۉره، بوتون افغانستانده۳.۷میلیون باله و۱.۲میلیون عیال آغیر آزیقلنیش تنقیصلیگیدن اذیت چېکماقده.
اوشبو دستور بوگون سهشنبه،۲۱دلو ایکس پلاتفورمیده یازیشیچه، کابلده بو اداره قۉللب-قوّتلهیدیگن بیر کلینیکده آزیقلنیش تنقیصلیگی کوندن-کونگه کۉپراق بالهلرنی اوشبو کلینیکگه آلیب کېلماقده.
جهان آزیق-آوقت دستورینینگ تأکیدلهشیچه، احتیاجلر آرتیب بارر اېکن، دستور حیات سقلاوچی آزیقلنیش یاردملرینی دوام اېتتیرهدی و آنهلر همده بالهلرگه ضرور تېزکار طبي یاردمگه اېریشیشده یاردم بېرهدی.
ییل دوامیده تخمیناً۱۷.۴میلیون کیشی جدّي آزیق-آوقت خوفسیزلیگی معماسیگه دوچ کېلیشی کوتیلماقده، اولردن۴.۷ میلیون کیشی فوق العاده حالت شرایطیده یشهیدی.
بحران چوقورلشر اېکن، افغانستانگه بېریلهدیگن انسانپرورلیک یاردملر کمهییب بارماقده.
