طالبان صناعت و تجارت وزیرلیگی بوگون سهشنبه ۱۲ – حوت نشر قیلگن معلوماتی اساسیده، افغانستاننینگ اۉرته آسیا مملکتلری جملهدن اۉزبېکستان، تورکمنستان، قزاقستان، تاجکستان و قرغیزستان بیلن بۉلگن تجارت المهشووی کۉپهیگن.
بو حقده نشر اېتیلگن معلوماتگه کۉره، افغانستان میلادی ۲۰۲۵ – ییل دوامیده اۉرته آسیا مملکتلریدن ۲ میلیارد و ۳۹۹ میلیون دالر ارزشگه تاور آلیب کېلگن، بو رقم میلادی ۲۰۲۴ ییلگه نسبتن ۴۳ فایز آشگن.
شونینگدېک طالبان اۉتگن بیر ییل دوامیده، اۉرته آسیا مملکتلری آرقهلی ۲۱۶ میلیون دالر ارزشیگه تاور صادر قیلگن که بو رقم هم اۉتگن بیر ییلگه نسبتن ۷۷ فایز کۉپهیگنینی کۉرسهتَدی.
ایتیش کېرهک که پاکستان بیلن افغانستان اۉرتهسیدهگی چېگرهلر یاپیلگنی آرتیدن افغانستاننینگ کۉپلب تاورلری اۉرته آسیا مملکتلری آرقهلی آلیب کېلینماقده.
شو بیلن بیرگه طالبان صناعت و تجارت وزیرلیگی، اۉرته آسیا آرقهلی افغانستان صادراتی هم سېزیلرلی درجهده آشیب بارهیاتگنینی معلوم قیلگن.
