ایریم یېتکیرمهلر اۉز منبعلریگه تهینیب نشر قیلگن خبرلریگه کۉره، کنر ولایتیده جایلشگن سرکانو اولسواللیگی و پاکستاننینگ باجور اولسواللیگی منطقهلریدهگی قبیله آقسقاللری طالبلر و پاکستان اۉرتهسیدهگی اوروشنی توگهتیش همده تینچلیککه اېریشیش اوچون واسطهچیلیک حرکتلرینی باشلهگن.
سرکانو اولسواللیگیدهگیم منبعلر یېتکیرمهلرگه بېرگن معلوماتلریگه کۉره، اولر حاضرگچه باجور آقسقاللری بیلن ایکّی مرته اوچرهشوو اۉتکزیب، اۉت آچیشنی تۉختهتیش و تینچلیک مسألهلرینی محاکمه قیلگن.
اولر شونینگدېک، بیرینچی اوچرهشوو اۉتگن هفته چهارشنبه کونی، ایکّینچیسی اېسه شنبه کونی ۵-ثور بۉلیب اۉتگن.
ایتیلیشیچه سرکانو اولسواللیگیدهگی قبیله یېتکچیلری بو اوچرهشوولرده طالبلر رخصتی بیلن اشتراک اېتگن.
بوندن تشقری اوچرهشوولرده پاکستاننینگ، اینیقسه کنر ولایتیگه نسبتاً عملگه آشیرهیاتگن راکت و هوا هجوملرینی تۉختهتیش، ایکّی تامان اۉرتهسیدهگی چېگرهوي تۉقنهشوولرگه برهم بېریش و اۉت آچیشنی تۉختهتیش مسألهلری محاکمه قیلینگن.
کنر ولایتی قبیله آقسقاللری بیری حاضرچه انیق نتیجهگه اېریشیلمهگنینی، اما مذاکرهلر دوام اېتیشینی تأکیدلهگن یېتکیرمهلر بیلن بۉلگن صحبتیده.
طالبلر و پاکستان اۉرتهسیدهگی تۉقنهشوولر باشلنگنیدن بویان کنر ولایتی اوشبو ضدیت نینگ اساسي مرکزلریدن بیری بۉلیب قالماقده. پاکستان بیر نېچه بار اوشبو ولایتنینگ چېگرهوي حدودلرینی هوا و راکت هجوملریگه توتگن، نتیجهده محلي اهالیگه کتّه تلفات و ضرر یېتگن.
