بیرلشگن ملتلر تشکیلاتینینگ انسان یشش دستوری بوگون دوشنبه ۷ – ثور بیر بیانات نشر قیلیب، میلادی ۲۰۶۰- ییلگچه، افغانستان جمعیتی جملهسیدن یریمی شهرلرده یشهشینی معلوم قیلدی.
دېیرلی بو تشکیلات معلوماتی اساسیده، افغانستانده شهرلرده یشش درجهسی کون-سایین آشیب بارماقده.
قیشلاقلردهگی قورغاقچیلیک و اقلیم شرایطلری همده اوروش و خوفسیزلیک خواطرلر بیلن بیرگه ایشسیزلیک معمالری اهالینی شهرگه کۉچیشگه مجبور قیلگن اساسی سببلردن دیر.
بو حالت شوندهی بیرحالده دیر که بوندن ایلگری بیرلشگن ملتلر تشکیلاتی افغانستان شهرلری تېزلیک بیلن رواجلنیب بارهیاتگنیدن خبر بېرگن.
بو گزارشلرگه کۉره، شهرلرده جمعیت سانی کېنگ کۉلمده کۉپهیاتگن بۉلسه-ده بیراق شهرلر بو جمعیتگه یېترلی ظرفیتگه اېگه اېمسلیگی و بو خصوصده یېترلیچه آست-قورمه یۉقلیگی اساسی خواطر و معما اولهراق بیان اېتیلماقده.
