افغانستان مدافعه وزیرلیگینینگ معلوم قیلیشیچه، بدخشان ولایتینینگ شهری بزرگ اولسواللیگیده تاغ کۉچیشی عاقبتیده 5 کیشی، جملهدن۲ باله هلاک بۉلگن،۸ کیشی اېسه یرهلنگن.
وزیرلیک بیاناتیگه کۉره، واقعه تیناوون (جمعه، ۱۱-ثور) «آویز» منطقهسیده صادر بۉلگن و آلتین قزیب آلیشگه حرکت قیلهیاتگن بیر گروه ایشچیلرنی کۉمیب قۉیگن.
شونینگدېک، طالبان مدافعه وزیرلیگی یرهدارلر شهری بزرگ تومنیدهگی طبي مرکزلرگه یېتکزیلیب، دوالنیش آلهیاتگنینی بیلدیرگن.
وزیرلیکنینگ معلوم قیلیشیچه، «۲۱۹-فرقه نینگ ۱۴-چېگره لواسی۴-کندکی عمر ثالث»گه قرهشلی کوچلر ینه بیر نېچته آدمنی ویرانهلر آستیدن قوتقریب آلگن.
بیراق رسميلر بو حادثهنینگ انیق سببینی ایضاحلهمهگن.
افغانستانده کانلرده قولش، پارتلش و گاز بیلن زهرلنیش کبی حادثهلر تېز-تېز اوچرهب، کۉپلب کانچیلر و ایشچیلر هلاک بۉلهدی. متخصصلر بونگه اساسن تخنیکي جهازلرنینگ یېتیشمسلیگی و خوفسیزلیک قاعدهلریگه عمل قیلینمسلیگینی اساسي سبب صفتیده کۉرسهتیشهدی.
