بریتانیاده‌گی «افغان ویتنس» ناملی حقوقی بیر گروه نینگ ایتیشیچه، اۉتگن بیر ییلده طالبان حکومتی 417 کیشی نی قمچیله‌گن.
افغان ویتنس پنج‌شنبه کونی «بیر ییل شرعی جزالنتیریش» عنوانی آستیده بیر گزارش ترقه‌تیب ایتیشیچه، مذکور جزالر افغانستان 22 ولایتیده صادر اېتیلگن 71 بیر حکم اساسیده، عیاللر و ایرککلرگه عملی بولگن.
گزارش نینگ دوامیده کیلیشیچه، افغان ویتنس مذکور رقم‌لرنی 2022- ییل 26- اکتوبر دن 2023- ییل 26- اکتوبر آیی گه قدر، «شرعی جزالنتیریش» توغریسیده‌گی طالبان حکومتی عالی محکمه‌سی نینگ اعلامیه‌لریدن رویخطگه آلگن.
افغان ویتنس اوشبو ترقه‌تگن گزارشیده، جزالنتیریلگن کیشیلردن کۉېینچه‌سی نامشروع علاقه‌لر و اوغیرلاوچیلیک عیبلاولری بیلن جزالنتیریلگن‌لرینی انیقله‌گن.
مذکور گزارش ده کیلیشیچه، طالبان مذکور کیشیلرنی یاپیق ایشیک‌لری آرقه‌سیده و میدیا و کمره گه چیقمه‌یش چیکلاولری بیلن عملی قیلگن.
افغان ویتنس گه کوره، طالبان رهبری ملا هبت‌الله اۉتگن ییل نوامبر آییده شرعی جزالنتیریش نی اعلام قیلگنیدن بویان، ایکی اعدام قضیه‌سی 2022- ییل دسامبر آیی و 2023- ییل جون آییده عملی قیلینگن.
شۉنینگدیک بوندن آلدین افغانستان پایتختی کابل و باشقه ولایتلرده طالبان نی آچیق بیر شکلده قمچیله‌شی، هردایم خلق‌ارا انسان حق‌لریدن دفاع قیله‌دیگن نهادلرنینگ جدی عکس‌العمل‌لری بیلن روپه‌رو بۉلگن اېدی.
