امریکا جمهور رییسی دونالد ترامپ روسيهلیک همکسبی ولادیمیر پوتینگه اوکراین اوروشینی یکونلش یۉلینی تاپیش اوچون بیرگهلیکده ایشلشنی تکلیف قیلدی.
کرملین مصلحتچیسی یوری اوشاکوف یېتکرمهلرگه معلوم قیلیشیچه، بو تکلیف ایکّی جمهور رییس اۉرتهسیدهگی تیلفون ملاقاتی چاغیده ایلگری سوریلگن.
رویترز خبر آژانسی بوگون (یکشنبه، 14-سرطان) خبر بېریشیچه، یوری اوشاکوف نینگ ایتیشیچه، ترامپ و پوتین قریب 90 دقیقه دوامیده تیلفون آرقهلی صحبتلشگن.
خبرگه کۉره، امریکا جمهور رییسی صحبت دوامیده اوروشنی تېزراق یکونلش و اوشبو بحراننی برطرف اېتیش یۉللرینی تاپیش اوچون سعی-حرکتلرنی کوچهیتیریشنی تکلیف قیلگن.
اۉز نوبتیده، پوتین ترامپنی جبههدهگی وضعیت حقیده خبردار قیلیب: «روسيه قوراللی کوچلری ایشانچ بیلن آلدینگه سیلجیماقده و حدودلرنی بیرن-کېیتن نظارتیگه آلماقده»، دېگن.
ترامپ پوتین بیلن صحبتلشیشیدن بیر نېچه ساعت آلدین اوکراین جمهور رییسی والادیمیر زلنسکي بیلن هم اوروشنی یکونلش مسألهسیده تیلفون آرقهلی ملاقات قیلگن.
زلنسکي ترامپ بیلن صحبتدن سۉنگ: «بو اوروشنی توگهتیش اوچون حقیقي امکانیت موجود و امریکا نینگ قطعیتی حل قیلووچی اهمیتگه اېگه بۉلهدی»، دېدی.
