قندهاردهگی منبعلر معلوماتیگه کۉره، سپین بولدک اولسواللیگیده طالبلرگه تېگیشلی رنجر موتر اغدریلیب کېتیشی عاقبتیده اوچ باله هلاک بۉلگن، ینه سکّیز کیشی جراحتلنگن.
منبعلرنینگ ایتیشیچه، طالبلر تیناوون (شنبه، ۲۴-اسد) رنجر موترگه بالهلرنی تۉلدیریب، ۲۴-اسد مناسبتی بیلن ریژه اۉتکزماقچی بۉلگن.
محلي منبع نینگ بیلدیریشیچه، طالبلرنینگ اوشبو رنجر موتری سپین بولدک اولسواللیگی مرکزیدهگی نفت بازاری منطقهسیده جایلشگن «شایسته» یقینیده اغدریلگن.
منبعنینگ قۉشیمچه قیلیشیچه، جراحتلنگن ایکّی باله نینگ احوالی آغیر بۉلیب، اولر دوالنیش اوچون قندههار ولایت شفاخانهسیگه آلیب کېتیلگن.
طالبلر تیناوون اوشبو گروهنینگ حاکمیتگه قَیتگنی نینگ بېشینچی ییللیگینی نشانلهگن.
بو گروه بېش ییل اوّل، ۲۴-اسد کونی کابلنی اېگهللب، ییگیرمه ییللیک تنفسدن سۉنگ ینه حاکمیتگه قَیتگن.
