طالبلر اۉتگن کون افغانستان تورلی ولایتلری جملهدن فاریاب ولایتیده احتفال اۉتکزیب، بو گروهنینگ افغانستان حاکمیتیگه قیتگنی بېشینچی ییللیگینی نشانلهدیلر.
فاریاب ولایتیده اوشبو مناسبت بیلن اۉتکزیلگن احتفالده، طالباننینگ یوقاری مرتبه اۉزبېک رسمیلری جملهدن ایکینچیلیک، چارواچیلیک و سوغاریش وزیری عطاءالله عمری، لوگر ولایت والیسی صلاحالدین ایوبی و شونگه اوخشش باشقه بیر قنچه طالبان رسمیلری اشتراک اېتگن.
طالبان بو احتفالنی اساسا پشتو و فارس تیللریده یازیلگن بنر بیلن نشانلنیب، رسمیلر هم اکثریت اۉزبېکلر بۉلگن ولایتده و اۉزلرینینگ تیلیده هم نطق سۉزلشگه تیّار بۉلمهدیلر.
اجتماعی صحیفهلرده ترقهلگن ویدیولرده، اوشبو احتفالده، عطاءاللله عمری، قاری صلاحالدین ایوبی و فاریاب استخبارات باشلیغی منصور اکه نطق سۉزلهگنی کۉرینهدی و اولر بوتونلهی فارس تیلیده گپیریب، طالبان حاکمیتی مستحکملنیشیدن حمایهلرینی بیلدیرگن.
بو شوندهی بیرحالده دیر که طالبان بېش ییل حاکمیتی دوریده اۉزبېک تیلی و مدنیتیگه ضد سیاستلرنی قۉلگه آلیب کېلماقده دیر.
طالباننینگ اوشبو یاندهشوولری دوامیده هردایم بو گروهنینگ اۉزبېک اعضالری اعتبارسیز قالهیاتگنی تنقیدلرگه سبب بۉلگن.
