امریکا اقتصاد وزیرلیگینینگ معلوم قیلیشیچه، مملکتی نینگ ملي قرضی سۉنگگی اۉن ییل ایچیده ایکّی برابردن کۉپراققه آشیب، ۴۰ تریلیون دالردن آشگن.
اوشبو وزیرلیک تامانیدن چهارشنبه کونی (۲۸-اسد) نشر قیلینگن آماری معلوماتلرنینگ سۉنگگی ینگیلنیشی امریکانینگ عمومي ملي قرضی۴۰.۴۷تریلیون دالرگه یېتگنینی کۉرسهتماقده.
رویترز خبرگزارلیگی خبریگه کۉره، ۲۰۱۷ییلده، دونالد ترامپ حاکمیتنی بارک اوبامادن قبول قیلیب آلگن پیتده، اقش نینگ ملي قرضی 20 تریلیون دالردن کم بۉلگن.
دونالد ترامپ نینگ بیرینچی جمهور رییسلیک دوری همده جوبایدین جمهور رییسلیگی دوریده امریکا ملي قرضینینگ اۉسیش سرعتی کېسکین آشگن.
گرچه میلیاردر جمهور رییس صفتیده دونالد ترامپ دایما اۉزینینگ اقتصادي سیاستینی حمایه قیلیب کېلهیاتگن بۉلسه-ده، امریکا اقتصاد وزیرلیگی تقدیم اېتگن آماری معلوماتلرگه کۉره، اونینگ بیرینچی جمهور رییسلیک دوریده مملکت ملي قرضی۳۹ فایزگه آشیب،۷.۸۱تریلیون دالرگه کۉپهیگن.
جوبایدین هم هم قرضلرنی کمهیتیره آلمهدی. اونینگ جمهور رییسلیگی دوریده قرض۳۰.۵فایزگه آشیب، امریکانینگ عمومي قرضیگه ینه 8،5 تریلیون دالر قۉشیلگن.
ترامپ نینگ امریکا-ایران اوروشی باشلنیشی، اوکرایندهگی اوروش نینگ دوام اېتیشی و غزهدهگی بحران بیلن بیرگه کېچهیاتگن ایکّینچی جمهور رییسلیک دوریده هم امریکانینگ قرضدارلیک درجهسی اۉسیشده دوام اېتماقده.
کانگرس بودجه ادارهسی ۲۰۲۶مالیه ییلی آخریگه کېلیب، امریکانینگ عمومي قرضی۳۹.۶تریلیون دالرگه یېتیشینی پراگناز قیلگن اېدی.
بیراق ترامپ آق اویگه قَیتگن سۉنگگی۲۰ آیدن کمراق وقت ایچیده امریکانینگ ملي قرضی۱۰.۶فایزگه آشیب،۳.۸۴ تریلیون دالرگه کۉپهیدی و حاضرده۴۰.۴۷ تریلیون دالرگه یېتدی.
فایز ستوکالرینینگ آشیشی و استعمالچیلر اوچون تورم نینگ یوقاریلیگی حسابگه آلینسه، امریکانینگ ملي قرضی ۲۰۳۶-ییلگه باریب قریب۶۴ تریلیون دالرگه یېتیشی کوتیلماقده.
