آذربایجان و اۉزبېکستان دولت رهبرلرینینگ بوگون اۉتکزیلگن اوچرهشوویده، باشقه تورلی ساحهلردهگی همکارلیکلر قطاریده، نظامی گنجوی و علیشیر نوایی ادبی میراثیگه بغیشلنگن بدیعی فلم توزهتیلیشی خصوصیده صحبت اېتیلگن.
اۉزبېکستان جمهورلیک ریاستی مطبوعات خذمتی تامانیدن اوچرهشوو حقیده ترقهتیلگن بیاناتده، شو موضوع هم کېریتیلگن.
اۉزبېکستان جمهور باشلیغی شوکت میرضیایف بو حقده شوندهی دېگن « نظامی گنجوی و علیشیر نوایینینگ ادبی میراثیگه بغیشلنگن قۉشمه بدیعی فلم صورتگه آلینیشی مملکتلریمیزنینگ مدنی حیاتیده مهم واقعه بۉلهدی»
شو بیلن بیرگه، بو اوچرهشووده تورلی مسالهلر یوزهسیدن فکر المشتیریلیب، اۉزبېکستان و آذربایجان اۉرتهسیده ادبی دوستلیک کېلیشووی امضالنگن.
ایتیش کېرهک که اوشبو اوچرهشوو، بوگون آذربایجان جمهور باشلیغی الهام علیافنینگ اۉزبېکستانگه بۉلگن رسمی تشریفی دایرهسیده اۉتکزیلدی.
