فاریاب ولایتیده طالبان امنیه قومندانلیگینینگ تصدیقلهشیچه، بو ولایتده آلتی کیشی اۉغیرلیک و مخدره مادهلرنی ساتیشده عیبلنیب، حبسگه آلینگن.
بوحقده نشر اېتیلگن معلوماتگه کۉره، فاریاب ولایتیده طالبان خوفسیزلیک کوچلری بو ولایتنینگ قیصار اولسواللیگیده بېش کیشینی اۉغیرلیکده عیبلب اوشلهگن.
قیصار اولسواللیگینینگ خواجه زاهد قیشلاغیدن اوشلنگن بو شخصلر طالبان تامانیدن اویلردن اۉغیرلیک قیلیشده عیبلنگن. بیراق طالبان بو شخصلرنینگ عیبلاولری تۉغریسیده آرتیقچه تفصیلات بېرمهگن.
شو بیلن بیرگه، طالباننینگ خوفسیزلیک کوچلری میمنه شهریدن بیر شخصنی مخدره مادهلرنی ساتیشده عیبلب حبسگه آلگن.
ایتیش کېرهک که طالبان تامانیدن تورلی عیبلاولر بیلن حبسگه آلینیش حالتلری کۉپهیگن.
