آذربایجان آسیا یوکسلیش بانکی و «بانک ریسپوبلیکه»، 40 میلیون دالرلیک کردیت شرطنامه‌سینی امضاءله‌دی. اوشبو مبلغلر، اینیقسه خاتین-قیزلر باشچیلیگیده‌گی بیزنسلر، کیچیک و اۉرته ایشخانه‌لر همده قیشلاق خوجه‌لیگینی یوکسلتیریش و باکو شهریدن تشقریده‌گی حدودلرده تدبیرکارلرنینگ مالیه‌لشتیریش امکانیتلرینی کېنگیتیریشگه یۉلنتیریله‌دی.
آذرباجان یېتکرمه‌لری‌نینگ خبریگه کۉره، کردیت مبلغلرنینگ کمیده 20 فایزی خاتینلر بیزنیسی و 50 فایزی اېسه قیشلاق خۉجه‌لیگیگه یۉنلتیریله‌دی. مبلغلر زمانه‌وی سوغاریش تیزیملرینی جاری اېتیش، ینگی ایش اۉرینلرینی یره‌تیش، درآمدلرنی آشیریش و آذربایجان اقتصادیاتینی یوکسلتیریشگه خدمت قیله‌دی.
آسیا یوکسلیش بانکی‌نینگ آذربایجانده‌گی دایریکتری سونیادرانی جمال‌نینگ تاکیدلشیچه، اوشبو مالیه‌لشتیریش 2025-2029-ییللرگه مۉلجلنگن همکارلیک استراتیژیککه ماس بۉلیب، خصوصی سکتورنی یوکسلتیریش، آذیق-آوقت خوفسیزلیگینی مستحکملش، طبیعی خوفلرگه چیده‌ملیکنی آشیریش و باشکېنتدن تشقریده‌گی خاتینلر بیزنسی‌نینگ مالیه‌وی امکانیتلرینی کېنگیتیریشگه خدمت قیله‌دی. شونینگدېک، «بانک ریسپوبلیکه» بیلن همکارلیکنی ینه‌ده مستحکملش نیتیده.
1992 –ییلی‌ده تشکیل اېتیلگن «بانک ریسپورلیکه» آذربایجان‌نینگ بېشینچی ییریک بانکی بۉلیب، بازار‌نینگ 4.4 فایز اولوشیگه اېگه. مذکور بانک مشتریلر، کیچیک، کتته و اۉرته کمپنیلرگه خدمت قیله‌دی. اونینگ 40 ته بۉلیمی بۉلیب، 24 ته‌سی باکو شهریدن تشقریده جایلشگن.
