طالبان نظارتی آستیده‌گی اېکینچیلیک، سووغاریش و چاروه‌چیلیک وزیرلیگی‌نینگ اېکینچیلیک وچاروه‌چیلیک اۉرین‌باسری صدراعظم عثمانی، اۉزبېکستان اېکینچیلیک وزیری اۉرین‌باسری جمشید عبدوذوکروف بیلن آنلاین شکلده اوچره‌شگن.
مذکور اوچره‌شووده، ایکّی مملکت اۉرته‌سیده اېکینچیلیک و چاروه‌چیلیک ساحه‌سیده همکارلیکلر مستحکم‌لنیشی محاکمه قیلینگن.
شونینگدېک بو اوچره‌شووده اۉزبېکستان گه افغانستان گوشتی صادراتی، پخته ایکیلیشی اوچون ییر اجره‌تیلیشی، فاریاب ولایتیده باغلر قوریلیشی، اۉزبېکستان سوداگرلری آرقه‌لی بامیان کچالوسی ساتیب آلینیشی، بلخ ولایتیده اصلاح بۉلگن اوروغلر تولید و تیکشیروو مرکزی آچیلیشی همده اېکینچیلیک وزیرلیگی متخصصلری امکانیتی آشیریلیشی بحث بۉلگن.
عثمانی، اۉزبېکستان تامانیدن افغانستان سوداگرلری اوچون یېترلی آسایشته‌لیک یره‌تیلیشی و مملکت‌نینگ صفتلی اېکینچیلیک محصوللری ساتیب آلینیشی‌نی سۉره‌گن.
شونده‌ی بیرحالده، اۉزبېکستان اېکینچیلیک وزیری اۉرین‌باسری، متخصصلر امکانیتی آشیریلیشی، پخته ایکیلیشی و باشقه بیر قطار اېکینچیلیک محصوللر تولید بۉلیشی و باغلر قوریلیشی توغریسیده افغانستان بیلن همکارلیک قیلیش‌گه مملکتی‌نینگ تیارگرلیگی‌نی معلوم قیلگن.
بو اوچره‌شوو، طالبان و اۉزبېکستان اۉرته‌سیده اېکینچیلیک و چاروه‌چیلیک مناسبتلر مستحکم‌لنیشی همده ایکّی مملکت آره‌سیده تخصصی تجربه‌لر المشتیریلیشی، قۉشمه سرمایه یاتقیزیلیشی و تجارتی همکارلیکلر کوچلنیشی توغریسیده اۉتکزیلگن.
