بیرلشگن ملتلر تشکیلاتی باش کاتبی‌نینگ افغانستانده‌گی وکیلی و یوناما باشلیغی رباب فاطمه، ننگرهار ولایتی‌گه سفر قیلیب، محلی رسمیلر، عیاللر، محل آق‌سقاللری، سوداگرلر و مملکت گه قیتیب بارگنلر بیلن اوچره‌شگن.
او بو اوچره‌شووده، مذکور ولایت اهالی‌سی‌نینگ نیازلری و قیین‌چیلیکلر توغریسیده گپلشگن.
بیرلشگن ملتلر تشکیلاتی‌نینگ بوگون اعلام قیلیشیچه، مذکور اوچره‌شوولردن مقصد، محلی یشاوچیلری نیازلرینی توغریدن-توغری بیلیش و شاشلینچ قیین‌چیلیکلری‌نینگ تیکشیریش دیر.
اوشبو اوچره‌شوولرده یوناما باشلیغی، ینه بیر بار افغانستان یشاوچیلری‌دن بیرلشگن ملتلر تشکیلاتی حمایتی و تعهدی‌گه اورغو بېرگن.
رباب فاطمه، جاری ییل ۲۵-میزان کابل گه باریب، افغانستان ده یوناما باشلیغی و بیرلشگن ملتلر تشکیلاتی باش کاتبی مخصوص وکیلی صفتیده، ماموریتی‌نی رسمی شکلده باشله‌دی.
