امریکا قۉشمه ایالتلری تشقی ایشلر وزیرلیگی سۉزلاوچیسی نینگ اۉرین باسری ودانت پاتل، اۉتگن کون کیچ قورون اوتکزگن خبری بیر ییغینده، طالبان بیلن علاقهده اوتیشنی امریکا منفعتیده اوقیگن.
ودانت پاتل گه کۉره، طالبان آلدیده محبوس بۉلگن امریکا فقرالرینی آزاد اېتیلیشی، عصیانچیلیککه قرشی کورهش همده انسان حقلری تامین اېتیلیشی مقصد، طالبان بیلن امریکا آرهسیده علاقه بۉلیشی کېرهک دېب، اورغولهگن.
شونینگدېک، افغانستان بۉییچه امریکا ایلچیلیگی نینگ شارژدافیری کرن دکر هم اخیرگی کونلر ایچیده خودی شوندی مسالهنی تیلگه آلگن اېدی.
بو سۉزلر شوندی بیرحالده بیان اېتیلماقده دیر که حاضر امریکا قۉشمه ایالتلری تشقی ایشلر وزیرلیگی نینگ اۉرین باسری جان بس، افغانستان خصوصیده سۉزلهشیش مقصد قطر و پاکستان مملکتلریگه سفر قیلیشنی ریجهلشتیرگن.
شونینگدېک، امریکا تشقی ایشلر وزیرلیگی، اخیرگی گزارشیده، طالبان نی رسمی تَن آلینیشی خصوصیده هیچ قندهی قرار یۉقلیگینی معلوم قېلگن اېدی.
ایتیش کېرهک که طالبان حاضرگه قدر دنیا تامانیدن بېریلگن شرطلردن هیچ بیرینی عملگه آشیرمهگن و شوندی بۉلسه هم دنیا بیلن ایجابی علاقه قوریش آرتیدن اېکنلیگینی معلوم قېلگن.