نورستاندهگی محلی طالبلر رسميلرینینگ معلوماتلریگه کۉره، ولایت نینگ نورگرام اولسواللیگیده یوز بېرگن ترافیک حادثهسیده بیر کیشی هلاک بۉلگن، ینه تۉقّیز کیشی جراحتلنگن.
طالبلر نینگ «۲۰۱-خالد بن ولید قول اردوسی» سۉزلاوچیسی وحیدالله محمدينینگ ایتیشیچه، حادثه تیناوون، پنجشنبه کونی (۲۹ اسد) توشدن کېین نورگرام اولسواللگی نینگ کلتن دره «مازگول» منطقهسیده صادر بۉلگن.
اونینگ قۉشیمچه قیلیشیچه، «داکسن» روسوملی موتر اغدریلیشی عاقبتیده بیر کیشی هلاک بۉلگن، اوچ نفری عیال بۉلگن تۉقّیز کیشی جراحتلنگن.
اونینگ سۉزلریگه کۉره، جراحتلنگنلر لغمان ولایت شفاخانهسیگه آلیب کېتیلگن، بیراق اولر نینگ ساغلیغی حقیده حاضرچه ینگی معلومات یۉق.
حادثهگه یۉل نینگ یامان احوالده اېکنی و هیداوچی نینگ احتیاطسیزلیگی سبب بۉلگنی ایتیلماقده.
