بدخشان ولایتی نینگ کوهستان تومنی‌ده یوز بېرگن ترافیکی حادثه نتیجه‌سیده ۷ کیشی اۉلیب و یره‌لنگنی خبر قیلیندی.
بدخشان ولایتیده طالبان خوفسیزلیک قومندان‌لیگی تامانیدن نشر اېتیلگن معلومات‌گه کۉره، اۉتگن آقشم کوهستان تومنی نینگ «پل شوپای» حدودیده یوز بېرگن بو حادثه‌ده اوچ کیشی جان بېریب و ینه تۉرت کیشی یره‌لنگن.
شونینگدېک بو واقعه‌ده بیر باله و بیر عیال هم جان بېرگنی انیق‌لنگن.
واقعه «فولدر» رسوملی بیر موتر یۉلدن چیقیب کېتیشی نتیجه‌سیده یوز بېرگن.
ایتیش کېره‌ک که سونگی وقتلرده، یۉللر بوزوق‌لیگی و هیداوچیلرنینگ دقت‌سیزلیگی باعث، افغانستان تورلی حدودلریده ترافیکی حادثه‌لر یوز بېریب، اهالی‌دن قربان‌لیک آلماقده دیر.
