پولیودن بوش افغانستان تشکیلاتینینگ معلوماتی اساسیده بوگون دوشنبه ۱۱ – حوت، فاریاب و بادغیس ولایتلریده پولیو یا ده بالهلر فلج کسللیگیگه قرشی ایملنیش کمپاینی اۉتکزیلهدی.
مذکور تشکیلات تامانیدن نشر اېتیلگن معلوماتنی بیلدیریشیچه، اوشبو کمپاین فاریاب ولایتی مرکزی میمنه شهری شامل پشتونکوت، المار، قیصار، شیرینتگاب و دولت آباد اولسواللیکلری همده بادغیس ولایتینینگ غورماچ و بالامرغاب اولسواللیکلریده عملگه آشیریلهدی.
شونینگدېک مذکور ولایتلرده قنچه باله واکسین اېتیلیشی حقیده حاضرچه تفصیلات بېریلگن اېمس.
ایتیش کېرهک که اوزاق ییللردن بیری افغانستان بویلب پولیوگه قرشی ایملنیش کمپاینی اۉتکزیلیب کېلماقده دیر بیراق حاضرگچه بو کسللیک مملکتدن بوتونلهی یۉق اېتیلگن اېمس.
افغانستان و پاکستان دنیاده پولیو کسللیگی موجود یالغیز ایکّی مملکت دیر.
