چېگرهسیز داکترلر افغانستان جَنوبیده تۉییب آوقتلنمسلیک دن اذیت چېکهیاتگن بالهلر سانینینگ آرتهیاتگنیدن خواطر بیلدیریب، بو حالت مملکتدهگی آزیق-طعام خوفسیزلیگی تاباره یامانلشهیاتگنینی کۉرسهتهیاتگنینی معلوم قیلدی.
تشکیلات بوگون (سهشنبه، ۹-سرطان) ایکس اجتماعي ترماغیده نشر قیلگن بیاناتیده، ۲۰۲۶-ییل جنوری-اپرېل آیلریده جَنوبدهگی اۉزی قۉللب-قوّتلهیاتگن دوالش مرکزیده آغیر تۉییب طعاملنمسلیک بیلن قبول قیلینگن بالهلر سانی سۉنگگی اوچ ییلنینگ شو دوریگه نسبتاً اۉرتهچه ۳۰فایزدن کۉپراق آشگنینی بیلدیردی.
چېگرهسیزداکترلر تشکیلاتی هلمند و قندهار ولایتلریدهگی فعالیتینی کېنگهیتیرگنینی هم معلوم قیلدی.
شونگه قرهمهی، تشکیلاتنینگ تأکیدلشیچه، تۉییب طعاملنمسلیک موسمینینگ اېنگ آغیر دوری حلی آلدینده و وضعیت ینه-ده یامانلشیشی کوتیلماقده.
تشکیلات افغانستان ایچیدهگی آزیقلنتیریش دستورلری اوچون مبلغ و منبعلرنی تېزلیک بیلن اوستوار یۉنهلیش صفتیده اجرهتیشگه چقیردی.
بیرلشگن ملتلر تشکیلاتی بالهلر جمغرمهسی یونیسف معلوماتلریگه کۉره، افغانستانده بېش یاشگچه بۉلگن ۳.۷میلیون باله تۉییملی آزیق-طعام و تازه ایچیملیک سوویدن یېترلی درجهده فایدهلنه آلمهگنی سببلی اۉتکیر تۉییب طعاملنمسلیکدن اذیت چېکماقده.
